Azpeitiko alde zaharrean dago, Soreasuko Sebastian donearen parrokiaren aurrean.

Juan Antxietak eraikitzeko ordena eman zuen 1507an. Errege Katolikoen musikaria izan zen. Eraikinaren alderik nabarmenena aurrealdea da, mudejar estilokoa. Zati ezberdinetan eraikia dago, eta material desberdinak tartekatzen ditu, beheko solairuan harria eta adreilua besteetan.

Bailarako beste dorretxeen antzera, Baldakoa ere Enrike IV.aren aginduz bota egin zuten eta XIII. mendeko dorreak zuen defentsarako itxura kendu zitzaion. Bandoen gerran Ganboatarren guneetako bat izan zen etxea hau. Gainera, etxe horretan bizi izan zen Marina de Licona, San Ignazioren ama, 1467an Beltran de Loyolarekin ezkondu aurretik. Kapera txiki bat du jesuiten sortzailearen ohoretan.

Sancho Sánchez de Zuazolaren orube zaharraren gainean eraiki zuen bere biloba Pedrok eraikin berezi hau. Biloba hau Karlos V.a enperadorearen diruzain nagusia izan zen eta 1515 inguruan eraiki zuen eraikin mudejar hau. 1677an Garciezko kondeen administraziora igaroko da eta jatorrizko distira galduko du.